Xukuumada Somaliland Oo Ka Hadashay Ciidan Uu Samaynayo Urur Goboleedka IGAD.

9 april 2019  Hargaysa (warmaal news)

Xukuumadda somaliland ayaa soo dhaweysay aasaaska guddi farsamo oo ka shaqaysa

ciidan loo ameeyo arimaha badda cas iyo gacanka cadan, kaas oo uu dhawaan shaciyay urur goboleedka IGAD, sida lagu sheegay ar kasoo baxay wasaaradda arimaha dibadda somaliland.

Gudida ayaa loola danleeyahay si loo ilaaliyo danaha amman iyo dhaqaale ee gobolka, iyadoo war saxaafadeedka lagu xusay muhiimadda istaraatijiyadeed ee badda casi ay u leedahay ammaanka iyo barwaaqada geeska afrika.

War saxaafadeedka ayaa lagu yidhi, inkasta oo somaliland ay door laxaad leh ku leedahay maamulka badda cas, tahayna daneeye muhiim ah, waxay ka xuntahay in aan lagala tashan qaban qaabada hawshan.

Si la mid ah, wali ma cada doorka ay ciidankaasi ku yeelan doonaan somaliland.

Dawladda somaliland waxay qabtaa in hawl-gal aan lagala tashan oo laga fuliyo badda cas aanu yeelan doonin natiijo midho-dhal ah.

Dhanka kale, war saxaafadeedka ayay dawladda somaliland ku sheegtay in somaliland ay leedahay xeebta ugu dheer ee badda cas marka loo eego wadamada kale ee xubnaha ka ah urur goboleedka IGAD, xeebtaas oo dhan 850km. Dawladda somaliland-na ay ka shaqaysay sidii biyahaasi ay u noqon lahaayeen kuwo ammaan ah.

warmaal news

xafiiska Hargaysa

Facebook Comments

Leave a Reply

Your email address will not be published. Required fields are marked *

*